Փորձառություն - Կերամիկական լուսամփոփ

Ի՞նչ կստացվի, եթե համատեղենք կավն ու լույսը։ Ոչ թե պարզապես ինտերիերի դետալ, այլ տան փոքրիկ ջերմության աղբյուր, որն առանձնահատուկ գեղեցիկ է դառնում երեկոյան։ Վարպետության դասի ընթացքում պատրաստելու ենք կավե լուսամփոփներ։ Ձևն ու դեկորը կարող են լինել ամենատարբեր՝ մինիմալիստական երկրաչափություն, բնության մոտիվներ, լեռներ, աստղազարդ երկինք կամ սեփական պատկեր։ Կերամիկայի անցքերը նույնպես դառնում են դիզայնի մի մասը․ դրանց միջով անցնող լույսը պատերին և առաստաղին ստեղծում է յուրահատուկ նախշեր։ Ինչպես է անցնում աշխատանքը․ • ձեռքով ստեղծում ենք ապագա լուսամփոփի ձևը, • մտածում ենք նախշի և անցքերի տեղադրման մասին, • ավելացնում ենք ռելիեֆ, տարբեր տեքստուրաներ և դեկորատիվ այլ դետալներ, • զարդարում ենք աշխատանքը անգոբներով, • չորանալուց հետո լուսամփոփը անցնում է թրծման և ջնարակապատման փուլերը։ Արժեքի մեջ արդեն ներառված է անհրաժեշտ ամեն ինչ՝ կավը, գործիքները, անգոբներն ու ջնարակները, թրծումները, ինչպես նաև լամպը։ Պատրաստի լուսամփոփի համար լրացուցիչ դետալներ գնելու կարիք չի լինի։ Վարպետության դասից հետո աշխատանքը կմնա ArtLav-ում․ կավին անհրաժեշտ է մոտ մեկ շաբաթ՝ դանդաղ և ճիշտ չորանալու համար, որից հետո այն կանցնի թրծման և ջնարակապատման փուլերը։ Պատրաստի լուսամփոփը հնարավոր կլինի վերցնել մոտավորապես 10 օր անց։ Կերամիկայի հետ աշխատելու նախնական փորձը պարտադիր չէ։ Արդյունքում կստանաք ֆունկցիոնալ ինտերիերի դետալ, որը մտածել և պատրաստել եք սեփական ձեռքերով։ Իսկ երեկոյան կարող եք անջատել հիմնական լույսը և տեսնել, թե ինչպիսի նախշեր է ձեր լուսամփոփը կարողանում նկարել պատերին։ Կազմակերպիչ՝ «ՏԱՏՅԱՆԱ ԺԵՍՏԿՈՎԱ» ԱՁ