Համերգ - Բացօթյա համերգ․ Խաչատուր Ավետիսյան — 100

Սեպտեմբերի 10-ին՝ ժամը 20։00-ին, Կոմիտասի անվան կամերային երաժշտության տան զբոսայգու բացօթյա բեմում տեղի կունենա համերգ՝ նվիրված 20-րդ դարի հայ երաժշտարվեստի ամենակարկառուն ներկայացուցիչներից մեկի՝ կոմպոզիտոր Խաչատուր Ավետիսյանի 100-ամյակին։ Սիրված կոմպոզիտորի ազգային շնչով, մեղեդային հարստությամբ գրված և մեծ ժողովրդականություն վայելող երգերն ու պարեղանակները կներկայացնի Հնագույն երաժշտության «Տաղարան» համույթը։ Մենակատարներ՝ Վարդան Բադալյան, Արփին, Մավր Մկրտչյան, Լուսինե Մարկոսյան, Գայանե Ղամբարյան, Արամո Մամիկոնյան, Մարիաննա Գևորգյան և Զաքար Քեշիշյան։ «Տաղարան» համույթի գեղարվեստական ղեկավար և դիրիժոր՝ Սեդրակ Երկանյան։ Համերգն իրականացվում է ՀՀ կրթության, գիտության, մշակույթի և սպորտի նախարարության աջակցությամբ։ Կազմակերպիչ՝ «Կամերային երաժշտության ազգային կենտրոն»