Համերգ - Կամերային երաժշտության երեկո նվիրված Անահիտ Ցիցիկյանի 100-ամյակին

Օգոստոսի 26-ին ժամը 19:30-ին Մաեստրոյի տանը տեղի կունենա կամերային երաժշտության երեկո՝ նվիրված Անահիտ Ցիցիկյանի 100-ամյակին։ Համերգային ծրագրով հանդես կգան միջազգային մրցույթների դափնեկիրներ Սոնա Բարսեղյանը՝ դաշնամուր, և Կարեն Շահգալդյանը՝ ջութակ։ Ծրագրում՝ Արամ Խաչատրյան՝ «Երգ-պոեմ», «Պար», «Նոկտյուրն»։ Էռնեստ Շոսոն՝ «Պոեմ»։ Էռնեստ Բլոխ՝ «Նիգուն»։ Էդուարդ Բաղդասարյան՝ «Նոկտյուրն», «Ռապսոդիա»։ Անտոնին Դվորժակ՝ «Գնչուական երգ»։ Ֆրից Կրայսլեր՝ «Վիեննական կապրիս»։ Երեկոյի խորհրդանշական պահերից մեկը կլինի Անահիտ Ցիցիկյանի անձնական ջութակով կատարումը՝ կենդանացնելով մեծ արվեստագետի երաժշտական ժառանգությունը։ Կազմակերպիչ՝ Արամ Խաչատրյանի թանգարան