Թատրոն - Toilet կանանց համար

Որտե՞ղ են հնչում ամենաանկեղծ խոստովանությունները։ Երբեմն՝ ոչ թե ստանդարտ վայրերում, այլ ակումբների զուգարաններում, որտեղ բացահայտվում են մարդկային հարաբերությունների ամենաիրական կողմերը։ Այստեղ պատահական հանդիպումները վերածվում են անկեղծ զրույցների, գաղտնիքները՝ բացահայտումների։ Տարբեր տարիքի, բնավորության և ճակատագրի կանայք կիսվում են իրենց վախերով, սիրո պատմություններով, հիասթափություններով, երազանքներով և այն հարցերով, որոնց մասին սովորաբար բարձրաձայն չեն խոսում։ Ռուդոլֆո Սանտանայի «Toilet կանանց համար» պիեսը սուր, ժամանակակից, հեգնական և միաժամանակ հուզիչ պատմություն է մարդկային հարաբերությունների ու միայնության մասին։ Սա ներկայացում է կանանց մասին, բայց ոչ միայն կանանց համար։ Այն հետաքրքիր է յուրաքանչյուրին, ով երբևէ սիրել է, կորցրել, կասկածել, պայքարել կամ փորձել հասկանալ ինքն իրեն և դիմացինին։ - Ըստ Ռ. Սանտանայի - Դրամա մեկ գործողությամբ - Բեմադրությունը՝ Հակոբ Ղազանչյանի - Գեղարվեստական ղեկավար՝ Հակոբ Ղազանչյան