Սպորտ - Tricolor Yerevan Night Run

Հարգելի՛ վազորդ, Ուշադրություն, խնդրում ենք հետևել ուղեցույցին։ ⁠ Վազքը կմեկնարկի հուլիսի 4-ին՝ ժամը 21:30-ին: • Անհրաժեշտ է լինել Հանրապետության հրապարակում հուլիսի 4-ին՝ ժամը 20:30-ին։ • Տեղում կտրամադրվեն անթև շապիկներ։ 21։15-ին կփակվի գրանցումը։ • ⁠21։20-ին կմեկնարկի նախավարժանքը, որից հետո կսկսվի վազքը: Վազքուղի` Հանրապետության հրապարակից դեպի Վազգեն Սարգսյանի փողոց, Շահումյանի անվան հրապարակ, կրկին մուտք Վազգեն Սարգսյանի փողոց, Հանրապետության հրապարակ, այնուհետև Նալբանդյան, Թումանյան և Աբովյան փողոցներ և կավարտվի Հանրապետության հրապարակում: • Վազքը կազմակերպվում է 5 և 10 կիլոմետր սահմանչափով (2 կամ 4 շրջան)։ Վազքը բարեգործական է. Յուրաքանչյուր մասնակցի գրանցումով մեր հովանավորը 5,000 ՀՀ դրամ կուղղի Սիսիանի սահմանամերձ գյուղի բժշկական կենտրոնի վերանորոգմանը։ Մասնակցի՛ր և դարձի՛ր այս կարևոր նախաձեռնության մի մասը։ Շնորհակալություն մասնակցության համար և մինչ հանդիպում։) Ուշադրություն! • Մասնակցության չեղարկումը և վճարված գումարի վերադարձը հնարավոր է միայն գրանցման պահից 72 ժամվա ընթացքում, որից հետո գումարը վերադարձի ենթակա չէ։ Գումարի վերադարձը կատարվում է նույն վճարման միջոցին, որով կատարվել է վճարումը։ • Հունիսի 30-ին և դրանից հետո մասնակցությունը չեղարկելու դեպքում վճարված գումարը վերադարձի ենթակա չէ: Վազքը նվիրված է Հայաստանի Հանրապետության պետական խորհրդանիշների օրվան։