Ինտելեկտուալ - «Ի՞նչ, Որտե՞ղ, Ե՞րբ» թիմային ինտելեկտուալ մրցաշար

Սիրված ինտելեկտուալ խաղի սպորտային տարբերակը, որին միաժամանակ կարող են մասնակցել երկու և ավելի թիմեր։ Մրցաշարի շրջանակում յուրաքանչյուր ամիս անցկացվելու է մեկ խաղ, որին կարող են մասնակցել ինչպես ընկերությունների թիմեր՝ ընկերության անվան տակ և բրենդային շապիկներով, այնպես էլ անհատական թիմեր։ Գիտակների թիմերը կամ գիտակներ ունեցող թիմերը չեն մասնակցելու մրցաշարի մրցութային մասին և կարող են մրցել միմյանց դեմ։ Այս դեպքում կազմակերպիչների կողմից կսահմանվեն մրցանակներ գիտակների հաղթող թիմի համար։ Խաղն անցկացվում է 10-ական հարցից կազմված 3 փուլով։ Հարցերն ընդհանուր բնույթի են՝ դասական ձևաչափով։ Հարցին պատասխանելու համար տրվում է մեկ րոպե ժամանակ, որից հետո թիմերը պետք է հանձնեն թերթիկների վրա գրված պատասխանները։ Անհատների թիմով մասնակցության համար անհրաժեշտ է գնել տոմս կամ տոմսեր՝ անձնական տվյալների էջի «Անուն, ազգանուն» դաշտում նշելով մասնակցի անուն-ազգանունը և թիմի անվանումը կամ լրացնել «անհատ» նշումը, եթե մասնակիցը ցանկանում է միանալ անհատներից ձևավորվող թիմերից մեկին։ Գրանցման և ընդմիջումների ընթացքում մասնակիցները կարող են օգտվել հյուրասիրությունից։ Գրանցում և հյուրասիրություն՝ 19:00 Խաղի մեկնարկ՝ 19:30 Կազմակերպիչներ՝ «Լաբ33», «Ինտելեկտուալ խաղերի լիգա»