Ինտելեկտուալ - «Ի՞նչ, որտե՞ղ, ե՞րբ» բարեգործական մրցաշար

«Ի՞նչ, որտե՞ղ, ե՞րբ» ինտելեկտուալ բարեգործական մրցաշար, որի ամբողջ հասույթը տրամադրվելու է «Հայ մայրեր» բարեգործական ՀԿ շահառու հաշմանդամություն ունեցող երեխաների վերականգնողական բուժմանը։ Ձեր մասնակցությամբ ոչ միայն ապահովում եք Ձեր հաճելի, ինտելեկտուալ ու անմոռանալի ժամանցը, այլև հնարավորություն եք տալիս երեխաներին ստանալ անհրաժեշտ և կենսական նշանակություն ունեցող վերականգնողական բուժում։ Սիրված ինտելեկտուալ խաղի սպորտային տարբերակը, որին միաժամանակ կարող են մասնակցել երկու և ավելի թիմեր։ Խաղն անցկացվում է 10-ական հարցերից կազմված 2 փուլով։ Հարցերն ընդհանուր բնույթի են՝ դասական ձևաչափով։ Հարցին պատասխանելու համար տրվում է մեկ րոպե ժամանակ, որի ընթացքում թիմերը պետք է հանձնեն թերթիկների վրա գրված պատասխանները։ Հաղթող է ճանաչվում առավելագույն միավորներ հավաքած թիմը։ Սպասվում է յուրահատուկ երաժշտական դադար, շատ մրցանակներ, նվերներ և, իհարկե, հյուրասիրություն։ Կազմակերպիչ՝ «ԼԱԲ 33» ՍՊԸ