Փորձառություն - The Spirit of Aghavnadzor | Աղավնաձորի շունչը

Հուլիսի 21-ին՝ ժամը 19:30-ին, Ին Վինոյում տեղի կունենա երեկո՝ նվիրված Աղավնաձորի ոգուն՝ Վայոց ձորի գինեգործական տարածաշրջանի փոքրիկ, բայց յուրահատուկ գյուղին, որտեղ ծնվում են Lusarev գինիները։ Գինեգործարանի հիմնադիր Ֆրունզե Սարգսյանի ուղեկցությամբ հյուրերը կբացահայտեն Lusarev Wines-ի փիլիսոփայությունը՝ համտեսելով ինչպես արդեն ճանաչված գինիները, այնպես էլ բացառապես այս միջոցառման համար ներկայացվող, դեռևս չթողարկված նոր գինիները։ Յուրաքանչյուր գավաթի հետ հյուրերը կլսեն գինիների պատմությունները, կծանոթանան այն յուրահատուկ բնակավայրին, որը ձևավորում է դրանց բնավորությունը, և կզգան այն նվիրումն ու համբերությունը, որոնք դրված են յուրաքանչյուր շշի ստեղծման հիմքում։ Միջոցառումը ներառում է գինիներ և խորտիկներ։ Համտեսը կանցկացվի հայերեն՝ անգլերեն թարգմանությամբ։ Երեկոյի գինիները • Պետ-Նատ Սպիտակ 2025, • Պետ-Նատ Ռոզե 2025, • Լուսարև Բրյուտ 2024, • Լուսարև Սպիտակ չոր 2024, • Լուսարև Վարդագույն չոր 2024, • Լուսարև Կարմիր չոր 2025, • Լուսարև Ռեզերվ կարմիր չոր 2022 և երկու էքսկլյուզիվ թողարկում։ Կազմակերպիչ՝ "Ին Վինո" ՍՊԸ