Համերգ - «Տարվա եղանակները». Հայաստանի պետական կամերային նվագախումբ

Միջոցառման մասին

Հայաստանի պետական կամերային նվագախումբը հրավիրում է Կոմիտասի անվան կամերային երաժշտության տուն՝ միասին վայելելու համաշխարհային երաժշտության գլուխգործոցներից մեկը՝ Անտոնիո Վիվալդիի «Տարվա եղանակները»։ Որպես մենակատար հանդես կգա 2018 թվականի Եհուդի Մենուհինի երիտասարդ ջութակահարների միջազգային մրցույթի և 2020 թվականի Արամ Խաչատրյանի անվան միջազգային մրցույթի հաղթող Դիանա Ադամյանը։ Համերգը կղեկավարի ՀՀ մշակույթի նախարարության ոսկե մեդալակիր, Կոմիտասի անվան պետական կոնսերվատորիայի պատվավոր պրոֆեսոր, «Մոսկվայի վիրտուոզներ» պետական կամերային նվագախումբի ջութակահար և դիրիժոր Հմայակ Դուրգարյանը։ Գեղարվեստական ղեկավար և գլխավոր դիրիժոր՝ Վահագն Պապյան: Ծրագիր՝ Ա. Վիվալդի. «Տարվա եղանակներ» Ա. Վիվալդի. Կոնցերտ լարայինների համար № 4 լյա մաժոր, F. XI Վ․ Ա․ Մոցարտ. Սերենադ սոլ մաժոր, K. 525 («Փոքրիկ գիշերային սերենադ») Վ․ Ա․ Մոցարտ. Դիվերտիմենտո ֆա մաժոր, K. 138/125c Կազմակերպիչ՝ «Կամերային երաժշտության ազգային կենտրոն» ՊՈԱԿ