Համերգ - ՄԵՆԱՀԱՄԵՐԳ | Տակահիրո Ակիբա (Ճապոնիա)

Ճապոնացի անվանի դաշնակահար, Մանսուրյանի անվան կոմպոզիտորների չորրորդ միջազգային մրցույթի հանձնաժողովի անդամ Տակահիրո Ակիբան Երևանում հանդես կգա մենահամերգով։ Ճապոնիայում նա հայտնի է որպես հայ երաժշտության դեսպան և Հայ դասական երաժշտության փառատոնի հիմնադիր։ Երկար տարիներ իր գործունեությամբ Տակահիրո Ակիբան ներկայացնում և հանրահռչակում է հայկական երաժշտությունը միջազգային հարթակներում։ Համերգային ծրագրում կհնչեն Պյոտր Չայկովսկու, Տոնու Կորվիցի, Տիգրան Մանսուրյանի, Առնո Բաբաջանյանի ստեղծագործություններից։