Համերգ - «Մաշտոց-Կոմիտաս». ՀՊԿՆ և ԵՊԿԵ

Հանդիսատեսի բազմաթիվ խնդրանքով, Կամերային երաժշտության ազգային կենտրոնը իրականացնում է Վահան Արծրունու «Մաշտոց-Կոմիտաս» համերգային նախագիծը։ Հայաստանի պետական կամերային նվագախմբի և Երևանի պետական կամերային երգչախմբի կատարմամբ կհնչեն Սբ. Մեսրոպ Մաշտոցի V-րդ դարի շարականները Վահան Արծրունու մեկնաբանությամբ և Կոմիտասի բանաստեղծությունների հիման վրա գրված նրա «Կոմիտաս. տասը հայտնություն» երգաշարը։ Նվագախմբի գեղարվեստական ղեկավար և գլխավոր դիրիժոր՝ Վահագն Պապյան Երգչախմբի գեղարվեստական ղեկավար և խմբավար՝ Քրիստինա Ոսկանյան Դիրիժոր՝ Նարեկ Ավագյան Բաց մի թողեք այս բացառիկ հնարավորությունը՝ հաղորդակցվելու մաշտոցյան մեր ինքնությունը կերտող երաժշտության, կոմիտասյան բյուրեղային մաքրության բանաստեղծության և կոմպոզիտոր Վահան Արծրունու ներդաշնակ երաժշտական աշխարհի հետ։ Կազմակերպիչ՝ «Կամերային երաժշտության ազգային կենտրոն»