Համերգ - «Էկուր աղջի մեր տունը». Տաղարան-45

Հուլիսի 23-ին՝ ժամը 19:30-ին, Կոմիտասի անվան կամերային երաժշտության տանը տեղի կունենա Հնագույն երաժշտության «Տաղարան» համույթի «Էկուր աղջի մեր տունը» խորագրով համերգը։ Գեղարվեստական ղեկավար և դիրիժոր՝ ՀՀ մշակույթի վաստակավոր գործիչ Սեդրակ Երկանյան։ Համերգին հանդես կգան մենակատարներ Լուսինե Մարկոսյանը, Գալինա Ցոլակյանը, Արամո Մամիկոնյանը, Հովսեփ Նշանյանը, հրավիրյալ երգիչ Պերճ Քարազյանը, ինչպես նաև Հասմիկ Հարությունյանը, Արտակ Ասատրյանը և Մարիաննա Գևորգյանը։ Ծրագրում կհնչեն ժողովրդական, հարսանեկան և գուսանական ստեղծագործություններ, այդ թվում՝ «Զեբագի», «Ծիծեռնակ», «Խոտոր ջուրի ջուրն է մոտիկ», «Վերին արտերուն գարի», «Կիլիկիա», «Մշո Բինգյոլ», «Զար զընգը», Խաչատուր Ավետիսյանի «Անընդհատ շարժում» և Գուսան Շահենի ստեղծագործություններ։ Մշակումները և գործիքավորումը՝ Սեդրակ Երկանյանի։ Համերգը նախատեսված է 6 տարեկանից բարձր հանդիսատեսի համար։ Կազմակերպիչ՝ «Կամերային երաժշտության ազգային կենտրոն»