Կինո - Փարաջանովի սկանդալը

Ֆիլմը ներկայացնում է աշխարհահռչակ կինոռեժիսոր Սերգեյ Փարաջանովի բուռն ու հակասական կյանքի պատմությունը։ Ստեղծագործական ազատության ձգտումը, արվեստագետի անհատականությունը և խորհրդային ամբողջատիրական համակարգի հետ բախումները դառնում են նրա կյանքի դրամատիկ հանգրվանների առանցքը։ Չնայած հալածանքներին, բանտարկությանը և ստեղծագործելու սահմանափակումներին՝ Փարաջանովը պահպանում է իր ներքին ազատությունն ու գեղեցիկի հանդեպ անսասան հավատը։ Սերժ Ավետիքյանի և Օլենա Ֆետիսովայի համատեղ ֆիլմը գեղարվեստական անդրադարձ է բացառիկ արվեստագետի ճակատագրին և նրա պայքարին՝ հանուն ստեղծագործական ինքնարտահայտման ազատության։